Fandalinan'i Tsikimilamina Rakotomavo
Hoy Samuël Ratany tao amin’ny Vakio ity, lah 12 Avrily 1922, raha nilaza ny nofy mahazendana :
"Ny mpifankatia dia tsy mba manam-piadanana tanteraka, fa ny fahoriana mandalo sy ny loza mihelina no tohatra hiakarany ho amin’ny fahasambarana".
Marin-doatra izany fiheverana izany rehefa tojo ny sakana maro sampanana eo amin’ny tontolo tsy hay faritana. Finoana, fahaizana, firazanana, fari-pananana, elanelana amin’ny endriny samihafa sns. dia efa ampy hampisara-maina ny fiombonana efa nimatimatesana. Ho an’ny marefo ara-pihetseham-po dia miteraka fahaketrahana izaitsizy ny saraka amam-po amin’olona izay efa nofinidy hatry ny ela.
Koa inona no azo atao? Tsy aleo ve manorin-dasy sy manamaro isa ireo manokam-po amam-panahy ho irery? Toa tsy efa intsony ny miara-miaina anaty fahasamihafana noho ny fanao tsy mitovy ka mahabe olana am-pipetrahana sy mahavalaka am-pitsanganana. Ny fiakaran’ny vidim-piainana rahateo mahatonga ny fitiavan-tena tsy te hizara ho an’ny hafa intsony…
Fisaina hirosoana ho amin’ny fahasambarana feno fatra!
Ajouter un commentaire
Commentaires