Nivoaka tamin'ny fahanginany ny Havàtsa-Upem Sampana Frantsa, fikambanana nahita masoandro tamin'ny 2004. Ahitana olona miasa mangina anefa eo anivony. Anisany ny filohany Manantsoa Andriamiarina antsoina hoe Andrymann Dorian eo amin'ny penina, voafidy tamin'ny taon-dasa ary maneho tombam-bokatra amin'izao ampahan-taonany voalohany izao. Mitapatapakahitra amin'ity vahinin'ny Poetawebs ity i Toetra Ràja.

Nahazo fahombiazana tamin'ny fifaninanana loka Nirhy-Lanto andiany fahadimy i Hantanoro na R'ABEL Rasendralalao Hantanoro. Tafiditra ao anatin'ny fanamarihana ny fahazato taonan'i Nirhy-Lanto ity fifaninanana ity. Manaraka akaiky izany ny tranonkala Poetawebs ary mitapatapakahitra tamin'i Hantanoro

Izahay eo anivon'ny Tranonkala Poetawebs dia faly hatrany manandratra ny poeta malagasy. Tovoharidera RANDRIAMISETRA, tovolahy mbola herotrerony sady avy lavitra no vahinin'i Tsikimilamina Rakotomavo eto amin'ny Tapatapakahitra.

Poeta matselaka eo amin'ny fomba fanoratra ary nibata ny amboara tamin'ny fifaninanana loka Nirhy-Lanto 2023 andiany fahadimy no vahinin'ny Poetawebs tamin'ny alalan'i Tsikimilamina Rakotomavo. Asaina ianao hanjohy ny tafan'izy ireo tao amin'ny Efitrano David Jaomanoro.

Nigadona teny Ivato io maraina io ny fiaramanidina nitondra ireo nisolo tena an'i Madagasikara tamin'ny lalaon'ny firenena mampiasa sy miteny ny teny frantsay ka anisany i Natiora, poeta, mpanoratra nandray anjara teo amin'ny literatiora, sokajy sombintantara.

Mihamiroborobo ny fikambanana mivoy ny literatiora. Mitafasiry amin'ny tranonkala Poetawebs àry i Fidy Art Niaina mikasika Malagasy Manoratra na MALAMA ary mamaly ireo fanontanian'i Tsikimilamina Rakotomavo.

Poeta tsy zoviana amin'ny maro intsony i Ny Iraka Rambolamanana. Amin'izao an-katoky ny iray volan'ny teny malagasy izao, hitondra anjara biriky ho fanandratana ny literatiora izy sy i Aingan'i Ala. Hotontosaina tsy ho ela ao an-drenivohitr'i Vakinankaratra io hetsika lehibe io. Tahaka izao ny tapatapakahitra nifanaovana tamin'i Ny Iraka Rambolamanana.

Manatona moramora ny datin'ny 20 mey. Raha ny amin'ity taona 2023 ity dia teatra pôetika no mby ao an-tsaina. Mbola mety hanakoako isan-taona aza izany, arakaraka ny ontan'ny hidihidy haterany. Izany indrindra no antony hisavasavana ny raviny, hirakorakoana ny volony mba hahafahana miomana sy mitony dieny mialoha ka anasana ny tompon'antoka voalohany amin'izany. I Toetra Ràja no mitapatapakahitra aminy.

Higadona tsy ho ela ny hetsika tononkalo fanaon'ny Mpiraifaribolana Sandratra etsy amin'ny CGM/GZ Analakely. Mahaliana ny Pôetawebs hatrany ny sehatra tahaka izao. Manaitra ny petadrindrina, ahitana ny sarin'izy telo mirahalahy, fony kely, mpiombona antoka amin'izany; tsikitsiky sy hafaliana no taratra ao amin'ny endrik'i Riambola Mitia, Mero Kosiky ary Mampandriaina Manitra.

Amin'izao andro maneran-tany ho an'ny poezia izao dia manolotra tapatapakahitra ho an'ny mpiserany ny tranonkala Pôetawebs izay mpikirakira vaovao sy fandalinana momba ny pôezia. Ny pôeta Toetra Ràja na Rajaonarivony Toetra no vahinin'i Ny Hasina Ratsimbazafy, mamaly ireo fanontaniana momba ny fahitany ny tontolon'ny pôeta sy ny pôezia.

Nivahiny teto amin'ny Pôetawebs ny pôeta Hobiana ny 27 Febroary 2010. Efa 25 taona nanoratana anefa izy tamin'izany fotoana izany. Nahafantarana azy ny tononkalo miharo hatsikana toy ny "Madama" sy "Bedy"... 13 taona taty aoriana, vao mainka nisavovona ny fahombiazany. Lany ho mpikamban'ny Filankevi-pitantanan'ny OMDA vao tsy ela akory izy. Eto amorom-patan'ny Pôetawebs indray izy sy i Toetra Ràja no mitapatapakahitra.