Fandalinan'i Tsikimilamina Rakotomavo
Mahatalanjona fa mivetso alahelo mamohafoha ny lasa ny ankamaroan’ny kalon’ny poeta. Isan’ireny i Le Myosotis izay manjombon-dava anaty asasoratra. Miharihary amin’ny tononkalony ny fivetsoana mandrakariva ny alina izay iavahany manokana eo amin’ny fomba fanoratra. Itoeran’ny tebiteby sy fahoriana ny alina; saingy itobahan’ny fiainana feno fitoniana kosa izany eto amin’ny ampahan-kalony. Asongadiny fa na dia eo aza ny hamamin’ny fiombonana dia misy hatrany ny hery misarika ny fo sy ny saina hirona ho amin’ny tsiahy mamelovelo.
Voambaran’ity poetan’ny voahary ity ihany koa ireo vanimpotoana samihafa eo amin’ny tontolo iainana na ny zava-manana aina na ny tsy manana aina ifaneraserana ka tsy afa-misaraka amin’ny tontolon’ny olombelona. Ny ririnina mamirifiry no anehoany ny zava-misy rehetra lalovan’ny mpiara-belona. Fihetsika maro mifandray amin’ny volon’andro tahaka izany no asehon’ny angalin-tsoratra misarika ny mpamaky hiantefa amin’ny tranga roa mety hifanohitra kanefa mifameno ary hahazoana fifaliana sy fahombiazana.
Ajouter un commentaire
Commentaires